Golf (Sport)

Golf isch e dradizionelli Ballsportart. S Ziil isch mit mögligst wenig Schleeg e chliini Balle noch de offizielle Golfreegle, vom Abschlag in s Loch z spiile. Je noch dr Art vom Schlag, wo under de Umständ am beste isch, setzt mä verschiideni Golfschleeger ii. E Golfrunde bestoot mäistens us 9 oder 18 Spiilbaane, wo nochenander uf em Golfblatz absolviert wärde.

Dr internazionali Dachverband isch die International Golf Federation, wo 132 Mitgliidsverbänd us 126 Länder het. Im Ganze git s uf dr ganze Wält mee as 60 Millione organisierti Golfspiiler.